काठमाडौं । कपिलवस्तु-१ मा राष्ट्रिय स्वतन्त्र पार्टी (रास्वपा) का मोहन आचार्य विजयी भएका छन् । आचार्यले ३४ हजार १४८ मत प्राप्त गरेर विजयी भएका हुन् ।
उनका निकटतम प्रतिष्पर्धी स्वतन्त्र उम्मेदवार आशिष शर्माले १५ हजार ५६० मत प्राप्त गरेका छन् ।
यस क्षेत्रमा नेपाली काँग्रेसका अतहर कमाल मुसलमानले १४ हजार ५८२ मत प्राप्त गरे भने नेकपा एमालेका बिश्राम चौधरीले ७ हजार ९८० र नेकपाका कृष्ण कुँवरले ४ हजार ६१६ मत प्राप्त गरेका छन् ।
तीन क्षेत्र रहेको कपिलवस्तुको क्षेत्र नम्बर २ मा रास्वपाकै विक्रम थापा विजयी भएका छन् भने क्षेत्र नम्बर ३ मा नेपाली काँग्रेसका अभिषेक प्रताप सिंह विजयी भएका छन् ।
