काठमाडौं । प्रधानमन्त्री बालेन्द्र शाह (बालेन)ले आफ्नो निजी सचिवमा सहसचिव प्रदीप परियारलाई नियुक्त गर्न लागेका छन् ।
हाल संघीय मामिला तथा सामान्य प्रशासन मन्त्रालयमा कार्यरत उनलाई शाहले निजी सचिवमा ल्याउने भएका हुन् । शाह काठमाडौं महानगरको मेयर हुँदा परियार प्रमुख प्रशासकीय अधिकृत थिए ।
अख्तियारले उनीविरुद्ध भ्रष्टाचार मुद्दा दायर गरेको थियो । तर, उक्त मुद्दाबाट उनले सफाइ पाइसकेका छन् । उनै परियारलाई शाहले निजी सचिव बनाउने निर्णय गरेका हुन् । प्रधानमन्त्रीले निजी सचिवमा सहसचिव राख्ने अभ्यास छ । परियार युवा सहसचिव हुन् ।
त्यस्तै, बालेनले आफ्नो सचिवालयमा कुमार व्यञ्जनकार, असिम शाह, सुदीप ढकाल, सुवास शर्मा, विवेक मिश्रलगायत नियुक्त भएका छन्।
