काठमाडौं । श्रम संस्कृति पार्टीका अध्यक्ष एवं प्रतिनिधिसभा सदस्य हर्क साम्पाङले प्रधानमन्त्री बालेन शाह संसद्मा अनुपस्थित हुन डरेको संकेत भएको बताएका छन् ।
उनले सामाजिक सञ्जालमा लेख्दै प्रधानमन्त्री शाहलाई डरपोकको संज्ञा दिएका छन् । उनले संसद्मा उठेका प्रश्नहरूको उत्तर दिन नसक्ने डरपोक प्रधानमन्त्रीले लिपुलेक फर्काउँछ भन्दै प्रश्न समेत गरे ।
उनले लेखेका छन्, ‘संसद्मा उठेका प्रश्नहरूको उत्तर समेत दिन नसक्ने । जाबो एक मिनेटको दूरीमा रहेको सदन आउन नसक्ने डरपोक प्रधानमन्त्रीले लिपुलेक फर्काउँछ भन्ने एआई मिडिया ट्रायल गर्नु जतिको हाँसउठ्दो मजाक अरू छैन ।’
