काठमाडौं । प्रमुख प्रतिपक्ष दल नेपाली काँग्रेसले प्रधानमन्त्री बालेन शाहले नै संसदको गतिरोध कायमै राखेको आरोप लगाएको छ । मंगलवार संघीय संसद भवन परिसरमा सञ्चारकर्मीहरुसँग कुरा गर्दै कांग्रेसका सचेतक निष्कल राईले संसदको गतिरोध जारी हुनुमा प्रधानमन्त्री साह नै जिम्मेवार रहेको जिकिर गरेका हुन् ।
उनले प्रधानमन्त्री बालेनले संसदमा आएर चाँडै त्यसको गतिरोध अन्त्य गर्नुपर्ने अडान पनि राखे । प्रधानमन्त्रीले मुलुकको राष्ट्रियताको विरुद्धमा गम्भिर अभिव्यक्ति दिएकाले सबै विपक्ष दलहरुले त्यसको एक ठाउँमा उभिएर विरोध गर्नुपरेको पनि सचेतक राईले स्पष्ट पारे ।
उनले भने, ‘सदन अवरोध हामीले कुनै रहरले गरिराखेका छैनौ । सबैभन्दा महत्वपूर्ण कुरा राष्ट्रियता, राष्ट्रिय अखण्डताको कुरानै आईसकेपछाडि हामी सबै प्रतिपक्ष दलहरु एक ठाउँमा छौ । तर पनि यो गतिरोधलाई, यो डेडलकलाई लामो समय राखि राख्न सकिँदैन । सहमती, सहकार्यकै बाटोबाट अघि बढने हो । र यसका लागि दलहरुका बीचमा, दलका नेताहरुको बीचमा सम्वाद जारी छ । सम्माननीय प्रधानमन्त्री आउनु हुन्छ । ल्याउने काम सत्ता पक्षका दलले पनि गर्दैछ । सबैभन्दा जिम्मेवार भएकाले प्रधानमन्त्रीले डेडलक खोल्न पनि संसदमा आउनु हुन्छ, आउनु पर्दछ । अर्थमन्त्रीले पनि कर छलीको विषयमा संसदमा स्पष्ट पार्नु पर्दछ ।’
सचेतक राईले कर छली सम्बन्धि विषयमा अर्थमन्त्री डा. स्वर्णिम वाग्लेले संसदमा आएको स्पष्ट जवाफ दिनुपर्ने माग समेत गरे ।
