काठमाडौँ । मौसम खराब भएपछि चिलिमे हाइड्रोपावर क्षेत्रमा सोमबार साँझदेखि हेलिकप्टर उडान अवरुद्ध हुँदा आवश्यक सामग्री ढुवानीमा समस्या परेको छ।
नेपाली सेना र भारतीय उद्धार टोलीका साथै हाइड्रोपावर कम्पनी आफैंले पठाएका पर्वतारोहीसहित उद्धार कार्य भइरहेको छ।
त्रिशूली हेलिप्याडमा टुइन, जेनेरेटर र पम्प छन्। यस्तै, आवश्यक प्लाइउड धुन्चे हेलिप्याडमा र पोन्टुङका लागि आवश्यक ड्रमहरू थाम्बुचेक हेलिप्याडमा तयारी अवस्थामा राखिएको छ।
उद्धारका लागि आवश्यक पर्ने कामदारलाई स्याफ्रुबेसी र ठाडेमा तयारी अवस्थामा राखिएको बताइएको छ। त्यस्तै, स्याफ्रुको हेलिप्याडमा आवश्यक सामग्री तयारी अवस्थामा राखिएको कम्पनीले जनाएको छ।
सामान र टुल्स, हेक्सो बिलेट र मेसिन, ग्रेन्डिडङ मेसिन र कटिङ ह्वील, केबल ४ कोर, ४ एमए–२५० मिटर, तार २÷२०, ७÷२०, ७÷२२ तयारी अवस्थामा राखिएको छ।
यस्तै, बल्ब र हेलोजिन होल्डरसहित इन्सुलेसन टेप, क्लाम्पिङ, टुल्स ठूलो आकारको र केबल सु स्याफ्रू हेलिप्याडमा तयारी अवस्थामा छ।
समरसिबल पम्प, एमसीबी ९१६ए, ३२ए थ्री फेज र सिंगल फेज०, समरसिबल पम्पको होस पाइप, एचडीपी पाइप तथा इलेक्ट्रिक ड्रिल मेसिन र ड्रिल बिट तथा २ केभीए जेनेरेटर तयारी हालमा राखिएको छ।
बाढीका कारण चिलिमे हाइड्रोबाट आठ जना सम्पर्कविहीन छन्। नेपाली सेना र भारतीय उद्धारकर्ताको टोलीले आइतबार चिलिमे जलविद्युत आयोजनाको सुरुङबाट दुई जनाको शव निकालेको थियो।
आइतबार पुनः बाढीले बाँध क्षेत्रका अघिल्लो बाढीमा बचेका संरचना भत्काएपछि सोमबारबाट पुनः उद्धार कार्य सुरु गरिएको छ।
