काठमाडौं । काठमाडौंमा अहिले भारी बर्षा भइरहेको छ । साँझदेखि परेको बर्षाले काठमाडौं उपत्यकाका खोलानालामा बाढीको स्तर बढाएको छ ।
यसैक्रममा काठमाडौंस्थित विष्णुमती नदीको जल सतह खतराको तह नजिक पुगेको छ । बाढी पूर्वानुमान महाशाखाको सूचनाका अनुसार गोंगबु जलमापन केन्द्रले विष्णुमतीको जल सतह खतरा तह नजिक मापन गरेको छ ।
बाढी बढिरहेकाले नदीको तल्लो तटिय क्षेत्रका बासिन्दा बिहानसम्मै उच्च सतर्क रहन बाढी पुर्वानुमान महाशाखाले अनुरोध गरेको छ ।
