पत्रकार महासंघ काठमाडौं शाखाको अधिवेशन माघमा « Drishti News – Nepalese News Portal
Logo

पत्रकार महासंघ काठमाडौं शाखाको अधिवेशन माघमा


- दृष्टि न्युज/संवाददाता


काठमाडौं, १८ पुस । नेपाल पत्रकार महासंघ काठमाडौँ शाखाको अधिवेशन आगामी १६ माघमा हुने भएको छ । शाखाका अध्यक्ष शन्तराम विडारीको अध्यक्षतामा बसेको बैठकले यो निर्णय गरेको हो । उक्त बैठकले साना लगानीमा सञ्चालन भएका सञ्चारगृहलाई कल्याणकारी विज्ञापन अभिवृद्धि गर्न तथा सहुलियत गराउनसमेत सरकारसँग माग गरेको छ ।
शाखाले कोभिड–१९ का समयमा कुनै पनि सञ्चारकर्मीलाई निष्कासन नगर्न, उनीहरुलाई समयमै तलब उपलब्ध गराउन सञ्चारगृहलाई आग्रह गरेको छ । शाखाका पूर्वअध्यक्ष स्व अशोक श्रेष्ठलगायत वरिष्ठ पत्रकारको स्मृतिमा स्थापना गरिएका १० वटा पुरस्कार अधिवेशनमा वरिष्ठ पत्रकारलाई दिने निर्णय गरिएको छ ।
सञ्चार क्षेत्रको विकास तथा सञ्चारकर्मीको श्रीवृद्धिका लागि विभिन्न तालीमको व्यवस्था गर्दै आएको उक्त शाखाले बन्दाबन्दीका समयमा पत्रकारलाई सहयोग गरेको थियो । विपत्का समयमा पत्रकारलाई आर्थिक साहयता गर्ने उद्देश्यले स्थापना गरिएको अक्षय कोषमा हाल रु दुुई लाख संकलन भएको र केही बिरामी सञ्चारकर्मीलाई त्यसबाट सहयोग गरिएको अध्यक्ष विडारीले जानकारी दिए । काठमाडौं शाखामा करीब एक हजार ५०० सदस्य रहेका छन् ।

प्रतिक्रिया दिनुहोस्