Logo
Logo

जनताको समस्या संकलन गरेर प्रधानमन्त्री र पार्टी सभापतिलाई बुझाउने अमरेशको तयारी


0
Shares

काठमाडौं । राष्ट्रिय स्वतन्त्र पार्टी (रास्वपा) का सांसद डा. अमरेशकुमार सिंहले मेची-महाकाली पदयात्राका क्रममा जनताबाट संकलन गरिएका समस्या र गुनासा प्रधानमन्त्री तथा पार्टी सभापतिलाई बुझाउने बताएका छन् । 

The current image has no alternative text. The file name is: amresh-1.jpg

सोमवार जनकपुरधाममा आयोजित कार्यक्रममा बोल्दै सिंहले जनताको घरदैलोमै पुगेर उनीहरूका समस्या सुन्ने र त्यसलाई अभिलेखीकरण गरी सम्बन्धित नेतृत्वसमक्ष पु¥याउने उद्देश्यले पदयात्रा गर्न लागेको बताएका हुन् ।

पदयात्राका क्रममा संकलन गरिएका जनताका समस्या तीन प्रति तयार पारिनेछ । एउटा प्रति पार्टी सभापतिलाई पुस्तकका रूपमा हस्तान्तरण गरिने, दोस्रो प्रति प्रधानमन्त्रीलाई बुझाइने र तेस्रो प्रति आफैँले राखेर संसद्मा जनताका समस्या उठाउन प्रयोग गरिने उनले बताएका छन् । सिंहले मङ्गलवार बिहान मेचीको किनारबाट सुरु हुने पदयात्रा आगामी माघ १ गते मकर सङ्क्रान्तिका दिन महाकालीको किनारमा पुगेर टुङ्गिने जानकारी दिए ।

करिब दुई महिनासम्म चल्ने यात्रामा दैनिक पाँच घण्टा पैदल हिँड्ने र सात घण्टा जनताका कुरा सुन्ने उनको योजना छ । पदयात्राका क्रममा प्रत्येक २० देखि २५ किलोमिटरको दूरीमा पर्ने गाउँमा पुगेर स्थानीयसँग संवाद गर्ने उनले बताए । मजदुर, किसान, महिला, दलित, मुस्लिम, व्यापारी तथा युवालगायत सबै वर्ग र समुदायका नागरिकसँग भेटेर उनीहरूका समस्या सुन्ने उहाँको भनाइ छ । विशेषगरी युवाको रोजगारी, किसानका समस्या र विभिन्न समुदायका आवश्यकता बुझ्ने बताए । सिंहले हुलाकी राजमार्गको पदयात्रापछि आगामी वैशाखमा मध्यपहाडी लोकमार्गबाट अर्को यात्रा गर्ने योजना पनि सुनाए झुलाघाटबाट सुरु हुने उक्त यात्रा चिवाभञ्ज्याङमा पुगेर समापन हुनेछ । 

सिंहले रास्वपाको सफलता देशको सफलतासँग जोडिएको दाबी गर्दै जनताले दिएको अभिमत र उनीहरूका आकाङ्क्षालाई सम्मान गर्दै पार्टी तथा सरकारले आफ्ना कमजोरी सच्याएर अघि बढ्नुपर्ने बताए ।  

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000