एनआईसी एशिया र स्वदेशी एक आपसमा मर्जरपश्चात एनआईसीएशिया लघुवित्त वित्तीय संस्थाको नामबाट एकीकृत कारोवार शुरु « Drishti News – Nepalese News Portal
Logo

एनआईसी एशिया र स्वदेशी एक आपसमा मर्जरपश्चात एनआईसीएशिया लघुवित्त वित्तीय संस्थाको नामबाट एकीकृत कारोवार शुरु


दृष्टि संवाददाता


काठमाडौं । कर्णाली प्रदेशको विकट जिल्ला जाजरकोटमा रजिष्टर्ड कार्यालय भई काभ्रेपलाञ्चोक जिल्लाको बनेपामा कर्पोरेट कार्यालय रहेको एनआईसी एशिया लघुवित्त वित्तीय संस्था लिमिटेड र प्रदेश १ स्थित सुनसरी जिल्लाको इटहरीमा रजिष्टर्ड कार्यालय रहेको स्वदेशी लघुवित्त वित्तीय संस्था लिमिटेडका बीच गाभ्ने/गाभिने (मर्जर) सम्बन्धी कार्य गरेपश्चात एनआईसी एशिया लघुवित्त वित्तीय संस्था लिमिटेडको नामबाट फागुन ९ गते आइतबारबाट एकीकृत कारोवार शुरु भएको छ ।


२०७७ श्रावण ३२ गते यी दुई संस्थाबीच गाभ्ने/गाभिने मर्जरसम्बन्धी समझदारीपत्रमा हस्ताक्षर भई २०७७कात्तिक १९ गते नेपाल राष्ट्र बैंकबाट सैद्धान्तिक सहमति प्राप्त भएको थियो । २०७७ पुस १० गते गाभ्ने/गाभिने (मर्जर) गर्ने सम्बन्धी अन्तिम सम्झौता भई सो अन्तीम सम्झौताअनुसार गाभ्ने÷गाभिने (मर्जर) गर्नेका लागि दुबै संस्थाको २०७७ माघ ४ गते छुट्टाछुट्टै बार्षिक साधारणसभाबाट सम्पन्न गरिएको थियो । उक्त बार्षिक साधारणबाट पारित विशेष प्रस्ताव बमोजिम एक आपसमा गाभ्ने/गाभिने (मर्जर) कार्य गर्न अन्तिम स्वीकृती प्राप्त भए अनुसार एनआईसी एशिया लघुवित्त वित्तीय संस्था लिमिटेडको नामबाट एकीकृत कारोबारको शुभारम्भ अध्यक्ष कपिल ढकाल र स्वदेशी लघुवित्त वित्तीय संस्था लिमिटेडका अध्यक्ष लालमणि जोेशीले एक कार्यक्रमबीच संयुक्तरुपमा गर्नुभएको छ ।

एनआईसी एशिया लघुवित्त वित्तीय संस्था लिमिटेडको कर्णाली प्रदेश लगायत मुलुकका विकट पहाडी तथा हिमाली जिल्लाहरुमा समेत गरी कूल १५० शाखा संचालनमा रहेको छ भने स्वदेशी लघुवित्त वित्तीय संस्था लिमिटेडको नेपाल भरि ८५ शाखा संचालनमा रहेका छन् । मर्जर पश्चात कुल शाखा संख्या २२३ शाखा कार्यालयबाट १३५,००० भन्दा बढी सदस्यहरुलाई संस्थाले उत्कृष्ट लघुवित्तीय सेवा प्रदान गर्नेछ । मर्जर पश्चात संस्थाको पुँजी १ अर्ब ७३ करोड ९४ लाख ४० लाख पुग्नेछ भने संस्थाको कर्जा लगानी रु १५ अर्ब भन्दा माथि पुग्नेछ । भविष्यमा उत्कृष्ट लघुवित्त बन्ने लक्ष्य साथ अगाडि बढेको यस संस्था यो मर्जर पश्चात अझ बलियो र सबल भई लक्ष्य हासिल हुनेमा संस्था विश्वस्त रहेको छ ।

गाभ्ने÷गाभिने (मर्जर) सम्बन्धी सम्पूर्ण कार्य सम्पन्न गरी मर्जर पश्चात् ‘साथीसँगै सबल बन्दै’ भन्ने मूल नाराका साथ उत्तरदायी लघुवित्तीय सेवाको अभ्यास गर्दै आएको यस एन आई सी एशिया लघुवित्त वित्तीय संस्था लिमिटेडको नामबाट देशकै सबै भन्दा ठूलो शाखा संजाल र चुक्ता पूँजी भएको देशकै एक ठुलो सबल सक्षम एवं विश्वसनीय लघुवित्त वित्तीय संस्थाको रुपमा स्थापित हुनेछ । त्यस्तै उत्तरदायी लघुवित्तीय सेवाको अभ्यास गर्दै आएको एन आई सी एशिया लघुवित्त वित्तीय संस्थाले वित्तीय समावेशिकरणका लागि डोटी, जुम्ला, जाजरकोट, सल्यान, रसुवा, सिन्धुपाल्चोक जस्ता बैंक तथा वित्तीय संस्थाहरुको उपस्थिति न्युन रहेको दुर्गम जिल्लाहरुमा शाखा विस्तार गरी सेवा सञ्चालन गर्र्दै आएको र आगामी दिनहरुमा पनि सोहि अनुरुप कार्य गर्नेछ ।

प्रतिक्रिया दिनुहोस्