परिवर्तित साधारण सेयर खातामा पठाउँदै एनएलजी इन्स्योरेन्स « Drishti News – Nepalese News Portal
Logo

परिवर्तित साधारण सेयर खातामा पठाउँदै एनएलजी इन्स्योरेन्स


दृष्टि संवाददाता


काठमाडौं । एनएलजी इन्स्योरेन्सले सर्वसाधारण समूहको सेयर सम्बन्धित सेयरधनीको खातामा पठाएको छ । कम्पनीले उक्त सेयर गत चैत ६ गतेसम्म सेयर अभौतिकीकरण गराएका सेयरधनीको खातामा जम्मा गरिएको हो । साथै, उक्त मितिपश्चात सेयर अभौतिकीकरण गराएका सेयरधनीको हकमा क्रमशः उक्त सर्वसाधारण सेयर जम्मा हुने व्यवस्था गरिएको छ ।

हालसम्म पनि सेयर अभौतिकीकरण नगरेका सेयरधनीले आफ्नो सेयर अभौतिकीकरण (अपडेट) गराउन कम्पनीले आग्रह गरेको छ । यससँगै उक्त सेयरधनीले आफ्नो कायम हुने सर्वसाधारण समूहका सेयरसमेत हितग्राही खातामा नै पाउनेछन् ।

कम्पनीको चैत ५ गते सम्पन्न वार्षिक साधारणसभाले कम्पनीको संस्थापक र साधारण सेयर स्वामित्व परिवर्तन गर्ने निर्णयलाई पारित गरेको थियो । यससँगै कम्पनीले उक्त परिवर्तित साधारण सेयर सेयरधनीको सम्बन्धित हितग्राही खातामा पठाई सेयर कारोबार गर्न योग्य भएको जानकारी गराएको छ ।

त्यस्तै चैत ६ गतेसम्म सेयर धितो बन्धक राखी कर्जा लिएका सेयरधनीले सेयर फुकुवा गरी आफ्नो कायम संस्थापक सेयरलाई सर्वसाधारण समूहको सेयरमा परिणत गर्न यस कम्पनीको सेयर रजिष्ट्रार अर्थात काठमाडौंको टेकुस्थित आरबिबी मर्चेन्ट बैंकिङमा सम्पर्क गर्न सक्ने इन्स्योरेन्सले विज्ञप्तिमार्फत् जनाएको छ ।

प्रतिक्रिया दिनुहोस्