विराटनगर । प्रदेश १ सरकारले आगामी आर्थिक वर्षको बजेटमा पर्यटन क्षेत्रका लागि ८३ करोड ३८ लाख रुपैयाँ विनियोजन गरेको छ । प्रदेशका आर्थिक मामिला तथा योजना मन्त्री टंक आङ्बु्हाङ लिम्बूले आर्थिक वर्ष २०७८/७९ को बजेट प्रस्तुत गर्दै उक्त जानकारी दिएका हुन् ।
उनले प्रदेशभित्रका सबै निर्वाचन क्षेत्रलाई जोड्ने गरी पर्यटनमार्ग विकास गर्ने, नयाँ पर्यटकीयस्थलहरुको पहिचान गरी प्रवर्द्धन गर्ने, प्रदेश पर्यटन नीति निर्माण गर्ने, विभिन्न जातजाति तथा समुदायको संस्कृति तथा परम्पराको संरक्षण र सम्वर्द्धन गर्ने लगायत कार्यक्रम सञ्चालन गरिने बताए।
