Logo

गण्डकी प्रदेशमा ६ जना मन्त्री थपिए


दृष्टि संवाददाता


पोखरा । गण्डकी प्रदेशमा थप ६ जना मन्त्रीले शपथ लिएका छन् । उनीहरुलाई शुक्रबार गण्डकी प्रदेश प्रमुख सीताकुमारी पौडेलले सपथ गराएकी हुन् ।

मन्त्री हुनेहरुमा कांग्रेसबाट विन्दुकुमार थापा आन्तरिक मामिला तथा कानुन मन्त्री, कुमार खड्का भौतिक पूर्वाधार, सहरी विकास तथा यातायात मन्त्री र मेषलाल श्रेष्ठले शिक्षा, संस्कृति, विज्ञान तथा सामाजिक विकासमन्त्री रहेका छन् ।

यस्तै पर्यटन, उद्योग, वाणिज्य तथा आपूर्ति मन्त्रीमा मणिभद्र शर्माले शपथ लिएका छन् । यसअघि विन्दुकुमार थापाको स्थानमा दोबाटे विकको नाममा थियो । तर, अन्तिम अवस्थामा आएर मन्त्रीको सूचिबाट दोबाटेको नाम काटिएको थियो ।

यस्तै माओवादी केन्द्रबाट रामजी बरालले अर्थ, दीपक चर्ती मगरले वन, वातावरण तथा भू–संक्षण र चन्द्रबहादुर बुढाले भूमि व्यव्स्था, कृषि सहकारी तथा गरिबी निवारण मन्त्रीको शपथ लिएका छन् ।

जनता समाजवादी पार्टी (जसपा)ले पनि सपथ कार्यक्रम बहिस्कार गरेको छ । आफूहरुसँग भएको सहमति उलंघन भएको भन्दै सपथ कार्यक्रम बहिस्कार गरेको हो ।

गण्डकी प्रदेशमा हाल सामाजिक विकास मन्त्री कुमार खड्का, युवा तथा खेलकुद मन्त्री राजीव गुरुङ (दीपक मनाङे), स्वास्थ्य तथा जनसंख्यामन्त्री मधुमाया अधिकारी र ऊर्जा जलस्रोत तथा सिंचाइ मन्त्री हरिशरण आचार्य छन् ।

प्रतिक्रिया दिनुहोस्