काठमाडौं । चोरीको गाडीसहित काठमाडौंबाट दुई जना पक्राउ परेका छन् । प्रहरीले काठमाडौं बौद्धबाट चोरीको गाडीसहित मुस्ताङ घर भई वौद्ध बस्ने आग्या गुरुङ र भारत पश्चिम बंगाल घर भई वौद्ध बस्ने सोनाम टासी योल्मोलाई पक्राउ गरको हो ।
![](https://fra1.digitaloceanspaces.com/appharuspace/drishtinews/uploads/2021/07/pakrau-gadi.jpg)
उनीहरुले उक्त गाडी भारतबाट चोरेर नेपाल ल्याएको हुन सक्ने महानगरीय अपराध महाशाखाले जनाएको छ । महाशाखाको अनुसार बरामद गाडीमध्ये एउटामा नेपाली नम्बर प्लेट र एउटामा भारतीय नम्बर प्लेटको छ ।
उनीहरुमाथि प्रहरीले अनुसन्धान शुरु गरेको छ । पक्राउ परेका दुवै जनालाई आवश्यक कारबाहीका लागि त्रिभुवन विमानस्थल भन्सार कार्यालयमा बुझाइएको महानगरीय अपराध महाशाखाले जनाएको छ ।