Logo
Logo

कांग्रेसका १० शीर्ष नेता बसे पार्टी कार्यालयमा धर्ना


1.6k
Shares

काठमाडाैं । १४ औं महाधिवेशनको प्रक्रिया सुरू हुन लागेका बेला वरिष्ठ नेता रामचन्द्र पौडेलनिकट जिल्ला सभापतिहरूले धर्ना र रिले अनसन सुरू गरेका हुन्।

नेपाली कांग्रेसको केन्द्रीय कार्यालय सानेपामा जारी रिले अनसनमा वरिष्ठ नेता रामचन्द्र पौडेलसहित १० जना केन्द्रीय सदस्यहरूले ऐक्यवद्धता जनाएर फर्केका हुन् ।

सानेपामा नुवाकोट कांग्रेस सभापति जगदीश्वरनरसिंह केसी, काभ्रे सभापति मधु आचार्य र धादिङ सभापति रमेश धमला रिले अनसनमा बसेका छन् । उनीहरूलाई ’सबल कांग्रेस निर्माणका लागि हाम्रो अभियान’ बाट रञ्जित कर्ण र डिल्लीराम सुवेदीले साथ दिएका छन् ।

वरिष्ठ नेता पौडेल, महामन्त्री शशांक कोइराला, कोषाध्यक्ष सीतादेवी यादव, पूर्वमहामन्त्री प्रकाशमान सिंह, पूर्वसहमहामन्त्री रामशरण महत र अर्जुननरसिंह केसी, केन्द्रीय सदस्यहरू बलबहादुर केसी, शेखर कोइराला, दिलेन्द्रप्रसाद बडु र दीपक गिरी रिले अनसनस्थल पार्टी कार्यालयमा पुगेर फर्केका हुन्।

क्रियाशील सदस्यता छानबिन समितिले प्रतिवेदन बुझाइसकेपछि सभापति देउवाले निर्वाचन समितिलाई क्रियाशीलको नामावली बुझाउने र निर्वाचन समितिले पार्टी वेबसाइटमा अन्तिम सूची राख्ने वैधानिक व्यवस्था छ। तर कांग्रेस संस्थापन पक्षले तयारी नपुगेको भन्दै क्रियाशीलको विवरण सार्वजनिक गरिसकेको छैन।

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000