काठमाडौं । भारतमा कोरोनाको संक्रमण तीव्र रुपमा बढेपछि नयाँदिल्लीमा सातामा दुई दिन कर्फ्यु लगाइएको छ । शनिबार र आइतबार कर्फ्यु जारी गरिएको दिल्लीका उपमुख्यमन्त्री मनीष सिसोदियाले जानकारी दिएका हुन् ।
यसअघि दिल्लीमा रात्रिकालीन कर्फ्यु जारी गरिएको थियो ।
दिल्लीका मुख्यमन्त्री अरविन्द केजरीवाल पनि कोरोनाबाट संक्रमित छन् । उपमुख्यमन्त्री सिसोदियाले पत्रकार सम्मेलन गर्दै अत्यन्त जरुरी काम भएमात्रै घरबाहिर निस्किन आग्रह गरेका छन् ।
उनले सबै सरकारी अधिकारीहरुले घरबाटै काम गर्ने बताए । निजी संस्थाहरुले पनि ५० प्रतिशत कर्मचारीहरुले घरबाट काम गर्नुपर्ने बताए ।
भारतमा राजधानी दिल्ली, महाराष्ट्रको राजधानी मुम्बईमा पावन्दीका बीच पनि कोरोना संक्रमण दर बढ्ने क्रम जारी छ । संक्रमण बढेपछि नेपालसँग सीमा जोडिएको बिहारमा पनि नयाँ प्रतिबन्ध जारी गरिएको छ ।
