दाङमा टिपरको ठक्करबाट दुई युवकको मृत्यु

काठमाडौं । दाङको घोराही– १० नारायणपुरमा गएराति टिपरको ठक्करबाट मोटरसाइकलमा दुई जनाको मृत्यु भएको छ।

जिल्ला प्रहरी कार्यालय दाङका अनुसार रा.१ क. १३०७ नम्बरको टिपरले रा. २ प. ५५८९ मोटरसाइकललाई ठक्कर दिँदा मोटरसाइकलमा सवार २ जनाको ज्यान गएको हो ।

टिफरको ठक्करबाट गम्भीर घाइते झिम्रुक ४ बाङ्गेका १७ वर्षका विशाल जिसी र नौबहिनी गाउँपालिका–६ लुङका १८ वर्षका सागर केसीको उपचारको कैममा अस्पतालमा मृत्यु भएको हो।

घाइते दुवैलाई राप्ती स्वास्थ्य विज्ञान प्रतिष्ठान घोराही लगिएको थियो। उपचारका क्रममा उनीहरूको मृत्यु भएको प्रहरीले जनाएको छ।