मुम्बई । भारतको गोवामा प्याराग्लाइडिङ दुर्घटना हुँदा दुई जनाको मृत्यु भएको छ । शनिबार भएको उक्त दुर्घटनामा प्याराग्लाइडिङ पाइलट २६ वर्षीय सुमन नेपाली र भारतीय पर्यटक शिवानीको मृत्यु भएको हो ।
सुमन नेपाली भएको बताइएको छ । यद्यपी उनको ठेगाना खुलाइएको छैन । शिवानी भने भारतकै पुणे निवासी रहेको जनाइएको छ ।
अनुमतिविना र आवश्यक सुरक्षा उपकरणविना नै प्याराग्लाइडिङ गर्दा उक्त दुर्घटना भएको बताइएको छ । प्रहरीले प्याराग्लाइडिङ कम्पनीका मालिक शेखर रायजादालाई नियन्त्रणमा लिएर अनुसन्धान अघि बढाएको जनाएको छ ।
Appharu.com