काठमाडौं । सुदूरपश्चिम प्रदेश सरकारको बजेट भाषण समय सरेको छ । आज आइतबार साँझ ५ बजेका लागि तोकिएको बजेट भाषण समय दुई घण्टा सरेको हो ।
प्रदेशसभा सचिवालयका सूचना अधिकारी युवराज जैशीले अब बेलुकी ७ बजे बस्ने प्रदेशसभा बैठकमा आगामी आर्थिक वर्ष २०८२/०८३ को बजेट प्रस्तुत गरिने जानकारी दिए ।
संवैधानिक व्यवस्थाअनुसार प्रदेश सरकारले असार १ गते बजेट प्रदेश सभामा प्रस्तुत गरिसक्नु पर्छ । बजेट तयार गर्नमा ढिलाइ हुँदा पूर्वनिर्धारित समयभन्दा दुई घण्टा ढिलो गरी प्रदेश सभामा बजेट प्रस्तुत गरिन लागिएको हो ।
