काठमाडौं । सिन्धुपाल्चोकको तीन स्थानमा पहिरो जाँदा अरनिको राजमार्ग पूर्णरुपमा अवरुद्ध भएको छ ।
सोमबार रातिको वर्षाले भोटेकोशी गाउँपालिका–२ को कोदारी र कोप्लाङ तथा वडा ३ को लार्चामा पहिरो जाँदा राजमार्ग पूर्ण रुपमा बन्द भएको हो ।
पहिरो पन्छाउने काम भइरहेकाले राजमार्ग पूर्ण रुपमै बन्द रहेको सिन्धुपाल्चोक प्रहरीले जनाएको छ । सडक बन्द भएपछि सवारीसाधन सडकमै लाइन लागेका छन् भने यात्रु मर्कामा परेका छन् ।
