काठमाडौं । नेकपा एमालेको सचिवालय बैठक सुरु भएको छ । केन्द्रीय कार्यालय च्यासलमा केहीबेर अघि सचिवालय बैठक बोलाइएको हो ।
शनिवारदेखि हुने पार्टीको ११औँ महाधिवेशन अघिको यो अन्तिम सचिवालय बैठक बसेको हो । बैठकले महाधिवेशनमा सहभागी हुने प्रतिनिधि मनोनीत गर्ने, विधान संशोधन प्रस्ताव र महाधिवेशन सञ्चालनको विधि बारे छलफल गर्ने लगायतका एजेण्डा रहेका छन् । केन्द्रीय कमिटीले १०८ प्रतिनिधि मनोनीत गर्ने बताइएको छ ।
एमालेले केन्द्रीय कमिटी, स्थायी समिति र पदाधिकारीको सङ्ख्या बढाउन विधान संशोधनको तयारी गरेको छ । धेरै आकाङ्क्षी देखिएपछि भदौमा सम्पन्न विधान महाधिवेशनले १५ बनाएको पदाधिकारीलाई १९ पुर्याउने र २५१ सदस्यीय केन्द्रीय कमिटीलाई बढाउने तयारीमा एमाले रहेको छ ।
