काठमाडौं । पूर्णबहादुर खड्काले निर्वाचन आयोगको निर्णय नमान्ने बताएका छन् ।
काँग्रेसको आधिकारिकता गगन थापा नेतृत्वको नेपाली काँग्रेसले पाएपछि खड्काले प्रतिक्रिया दिदै संविधान, दल सम्बन्धी ऐन र विधान विपरीत आयोगको निर्णय गाएको भन्दै आयोगले षड्यन्त्रपूर्ण निर्णय गरेको आरोप लगाएका छन् ।
उनले भने, ‘हामी वैधानिक र राजनीतिक लडाई लड्छौँ । यो निर्णय धेरै अगाडी सेटिंग भएको भन्ने कुरा आएको थियो र अहिले सोही अनुसार आएको छ । आयोगले आधिकारिक र कानुनी रूपमा एक पटक नबोलाएर निर्णय गरेको छ । प्रक्रिया र कानुनी रूपमा यो अवैधानिक छ । हामी यसलाई खारेज गर्छौँ ।’
उनले आफूहरूको आशङ्का अनुसार नै षड्यन्त्रपुर्वक निर्णय आएको बताए । खड्काले यो निर्णय अमान्य भएको बताए ।
