काठमाडौं । नेकपा एमालेका नेता ईश्वर पोखरेल काठमाडौं निर्वाचन क्षेत्र नम्बर ५ बाट निर्वाचन लड्ने भएका छन् । अन्तिम समयमा पोखरेललाई एमाले अध्यक्ष केपी शर्मा ओलीले टिकट दिएका हुन् ।
यसअघि पोखरेललाई अध्यक्ष ओलीले टिकट नदिएको भन्दै आलोचना भएको थियो । गत ११ औँ एमाले महाधिवेशनमा पोखरेलले ओलीसँग अध्यक्ष पदमा प्रतिस्पर्धा गरेका थिए ।
ओलीले महाधिवेशनमा आफ्नो विरुद्धमा लडेकाहरूमध्ये धेरैलाई टिकट दिएका छैनन् भने धेरैको टिकट होल्ड गरेर राखेका छन् ।
