काठमाडौं । अमेरिकामा बस्दै आएकी एक युवतीले कलाकार सागर लम्साल (बले)माथि जबरजस्ती करणीको आरोप लगाएकी छन् ।
एक भिडिओ निर्देशकी छोरीसमेत रहेकी ती युवतीले अमेरिका गएका बेला लम्सालले एक वर्षअगाडि आफूमाथि जबरजस्ती करणी गरेको आरोप लगाएकी हुन् ।
फेसबुकमा लामो स्टाटस लेख्दै उनले आफू बलात्कृत भएको आरोप लगाउँदै बलेलाई मेन्सन गरेकी छन् । आफू डिप्रेसन र एन्जाइटीबाट पीडित रहेको पनि उनले उल्लेख गरेकी छिन् ।
पहिल्यैदेखि पारिवारिक चिनजान रहेको बताउँदै उनले आफूले राम्रो र असल सोचेर आफ्नो समस्या बताएको तर उसैले आफूलाई जबरजस्ती करणी गरेको उनको आरोप लगाएकी छन् । आफूले आफ्नो समस्या परिवारलाई भन्न नसकेको भन्दै उनले फेसबुकमार्फत समस्या सार्वजनिक गरेकी हुन् ।
परिवार ध्वस्त हुने डरले आफूले आजसम्म यो कुरा बाहिर ल्याउन नसकेको तर अहिले बाहिर ल्याएको भन्दै उनले बलेलाई राक्षस भनेकी छन् । उनले अन्तिममा बलेलाई प्रश्न गरेकी छन्, ‘कसैको जीवन बर्बाद गरेर बाँच्दा कस्तो महसुस हुन्छ ?’
यस्तो छ पीडित युवतीले सामाजिक सञ्जालमा राखेको पोस्ट:
