काठमाडौं । सांगीतिक बजारमा ‘हावा चल्यो सिरिरी’ बोलको नयाँ गीत सार्वजनिक भएको छ। यस गीतमा सुरज पौडेल र अनु चौधरीको सुमधुर स्वर रहेको छ भने गीतका शब्द प्रमोद ढुंगानाले लेखेका हुन्।
मनोज चौलागाईंले संगीत तथा एरेन्ज गरेको यस गीतको रेकर्डिङ एकाउस्टिक नेपाल स्टुडियोमा गरिएको हो। यस गीतको भिडियोलाई नितिन चन्दले निर्देशन गरेका छन् भने रोहित सिंह ठकुरीले कोरियोग्राफी गरेका छन्। भिडियोमा कमल सिंह र जुना कार्कीको अभिनय देख्न सकिन्छ। मेकअप एकता भण्डारीले गरेकी छन् भने सम्पादन सौखिन तिमल्सिनाको रहेको छ। ग्राफिक डिजाइन सन्तोष पनेरुले गरेका छन्। म्युजिक भिडियोको निर्माता निल प्रसाद ईटनि रहेका छन्।
गायक सुरज पौडेलको सार्वजनिक भएको यो १०औँ भिडियो हो। भिडियोको छायांकन गुन्डु, भक्तपुरमा गरिएको छ। भिडियोमा डिओपीका रूपमा विनोद बिष्टले क्यामेरा सम्हालेका छन्। प्रकाश व्यवस्थापन मुस्कान र विक्रमले गरेका छन् भने यातायात व्यवस्थापन राम गुरु र सञ्जयले गरेका छन्।
