काठमाडौं । नेकपा एमालेको सचिवालय बैठक आज पनि बस्दै छ । जेठ ४ गतेदेखि सुरु भएको बैठक शुक्रवार र शनिवार पनि बसेको थियो भने त्यसको निरन्तरता स्वरूप आज आइतबार पनि बस्ने उपमहासचिव लेखराज भट्टले जानकारी दिएका छन् ।
शुक्रवार र शनिवारको बैठकमा उपाध्याक्ष, महासचिव, उपमहासचिव र चार सचिवहरूले आफ्नो धारणा राखेका छन् भने आजको बैठकमा बाँकी पाँच सचिवले आफ्नो धारणा राखेपछि यसअघि प्रस्तुत गरिएका एजेण्डा र समसामयिक विषयमा छलफल हुने भट्टले जानकारी दिएका छन् ।
सचिवालयको आजको बैठक बिहान ११: ३० बजे अध्यक्ष केपी शर्मा ओलीको भक्तपुरको गुण्डुस्थित निवासमा बस्नेछ ।
