काठमाडौं । नेपाली युवा टोलीले यू-१९ एसिया कपमा भारतीय टोलीसामु जितका लागि १२९ रनको सामान्य लक्ष्य प्रस्तुत गरेको छ । ओमानको ओसिए ग्राउन्ड-१ मा भारतीय युवा टोलीले टस हारेर ब्याटिङ गरेको नेपाली टोली ४२.३ ओभरमा १२८ रनमा अलआउट भएको हो ।
नेपालका लागि दर्स सोनारले सर्वाधिक ४८ रन बनाएका हुन् । आशिस लुहारले २९ र निरज कुमार यादवले २० रन थपे। पाँचौँ विकेटका लागि आशिस र दर्सले ४३ रनको साझेदारी गरेका थिए ।
सचिन भट्टले ६ र सुर्याशु कोइरालाले ५ रन बनाए । भारतीय युवा टोलीका लागि इशान सृुदले तीन विकेट लिए । उनले १० ओभरमा चार मेडन राख्दै १८ रन खर्चे ।
भुटकुरी याशविर गौडले दुई विकेट लिए। उनले आठ ओभरमा २५ रन दिए । काभ्या परेस पटेल र मनाल चौहानले समान एक विकेट आफ्नो नाममा गरे । भारतीय युवा टोलीले केहीबेरमा जवाफी ब्याटिङ गर्नेछ ।
Appharu.com