काठमाडौं । नेपालमा थप तीन हजार ११४ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय गत २४ घण्टामा पीसीआर विधिबाट गरिएको परीक्षणमा दुई हजार ३०९ र एन्टिजेन विधिबाट गरिएको परीक्षणमा ८०५ जनामा कोरोना संक्रमण पुष्टि भएको हो ।
उक्त अवधिमा कूल १० हजार ६२५ पीसीआर र चार हजार २८५ जनामा एन्टिजेन विधिमार्फत् परीक्षण गरिएको थियो । योसँगै नेपालमा कोरोना संक्रमितको संख्या सात लाख ३३ हजार २६० पुगेको छ ।
गत २४ घण्टाभित्र नेपालमा कोरोना भाइरसको संक्रमणबाट थप १६ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या नौ हजार ६९५ पुगेको छ ।
त्यस्तै पछिल्लो २४ घण्टामा थप दुई हजार १९७ जना संक्रमितले कोरोना भाइरसलाई जितेका छन् । योसँगै संक्रमणमुक्त हुनेको संख्या ६ लाख ४१ हजार ५६५ पुगेको छ ।
