बेलायतको गोलीकान्डमा आक्रमणकारीसहित ६ जनाको मृत्यु « Drishti News – Nepalese News Portal
Logo

बेलायतको गोलीकान्डमा आक्रमणकारीसहित ६ जनाको मृत्यु


दृष्टि संवाददाता


काठमाडौं । बेलायतको प्याइमाउथमा भएको गोलीकान्डमा हमलावरसहित ६ जनाको मृत्यु भएको भएको छ । प्रहरीले जनाए अनुसार बेलायतको स्थानीय समयअनुसार साँझ ६ बजेर १० मिनेटमा किह्याम क्षेत्रमा गोलाबारीबारे प्रहरीले सूचना पाएका थिए ।

घटनामा मारिनेमा ३ महिला, २ पुरुष र एक सन्दिग्ध रहेका छन् । सबै जनाको गोली प्रहारबाट मृत्यु भएको बीबीसीले उल्लेख गरेको छ ।

प्याइमाउथ सटन र डेभोनपोर्टका सांसद लुक पोलार्डले मारिने मध्ये एक १० वर्षभन्दा कम उमेरको बालिका रहेको बताएका छन् । डेभोन एन्ड कर्नवाल प्रहरीका अनुसार २ महिला र तीन पुरुषको घटनास्थलमा र एक महिलाको अस्पतालको उपचारको क्रममा मृत्यु भएको हो । घटनाबारे थप अनुसन्धान भइरहेको प्रहरीको भनाई छ ।

बन्दुकधारीले एउटा घरको ढोकामा लात्तीले हिर्काएर अन्धाधुन्ध गोली बर्साएका थिए । घरमा गोली हानेपछि उनी कुद्दै नजिकैको पार्कमा रहेका थप व्यक्तिहरूलाई गोली हानेको घटनाकी प्रत्यक्षदर्शी शारोनको भनाई छ । बीबीसी

प्रतिक्रिया दिनुहोस्