काठमाडौं, ६ बैशाख । ‘मिस नेशनल आइकन–२०१९’ मा यतिखेर १३ जना सुन्दरीहरु प्रतिस्पर्धा गर्दैछन् । यी सुन्दरीबीचको प्रतिस्पर्धा उपाधि भन्दा पनि पुरस्कारका लागि हुँदैछ । ‘मिस नेशनल आइकन’को उपाधिसँगै करिब २६ लाख रुपैयाँ पर्ने ड्याट्सन कार पाउनेछिन् ।
![](https://www.drishtinews.com/wp-content/uploads/2019/04/model-4-768x586.jpg)
पुरस्कारको हिसाबले यो नेपालकै सबैभन्दा ठूलो सौन्दर्य प्रतियोगिता हो । ब्राइट इन्टरटेनमेन्टले आयोजना गर्दै आएको यस प्रतियोगितामा फस्ट रनरअप हुनेले स्कुटी र सेकेण्ड रनरअपले नगद ५० हजार पाउनेछन् । यहाँ सयौँको संख्यामा हुने सौन्दर्य प्रतियोगितामा यतिका पुरस्कार कसैले दिँदैनन् ।
![](https://www.drishtinews.com/wp-content/uploads/2019/04/IMG_8940_result-768x428.jpg)
प्रतियोगिताको यो दोस्रो संस्करणमा यिनै १३ जनामध्ये तीन जना भाग्यमानीले कार, स्कुटी र नगद ५० हजार त पाउनेछन् नै, साथै उनीहरुले विभिन गिफ्टह्याम्पर पनि प्राप्त गर्नेछन् । हाल यी १३ जना प्रतिस्पर्धी सुन्दरीहरुलाई रातोपुलस्थित रक हाउस क्याफेमा आत्मविकासलगायतका विभिन्न प्रशिक्षण दिइरहेको आयोजक संस्थाका अध्यक्ष तथा गायक धनीराम राईले बताए ।
![](https://www.drishtinews.com/wp-content/uploads/2019/04/model-2-768x607.jpg)
![](https://www.drishtinews.com/wp-content/uploads/2019/04/model-768x638.jpg)
![](https://www.drishtinews.com/wp-content/uploads/2019/04/model-3-768x556.jpg)