काठमाडौं । जनता समाजवादी पार्टी (जसपा)को संघीय परिषदका अध्यक्ष डा. बाबुराम भट्टराईले नेकपा एमालेको विधान महाधिवेशनमा अध्यक्ष केपी शर्मा ओलीकाे तडक-भडकलाई ‘निभ्न लागेको बत्ती’ भनि टिप्पणी गरेका छन् ।
पूर्वप्रधानमन्त्री समेत रहेका भट्टराईले एमाले अध्यक्ष केपी शर्मा ओलीको फोटो राखेर गरिएको तडक–भडक एवं कार्यकर्ताले गरेको स्कटिङप्रति यस्तो टिप्पणी तथा ब्यंग्य गरेका हुन् ।
शुक्रबार सामाजिक सञ्जाल ट्विटरमा ट्विट गर्दै यस्तो टिप्पणी गरेका हुन् । उनले लेखेका छन्, ‘खड्गप्रसादको कुम्भमेला निभ्ने बेलाको बत्ती हो । लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला । तर, अन्तमा देशले ठुलो मूल्य चुकाउनुपर्नेछ । नक्कली राष्ट्रवाद, नृजातीय अहंकारवाद, पपुलिज्म र व्यक्तिपूजाको ककटेलले अन्तः स्टालिन, हिटलर र फासीवाद जन्माउने हो । चेतना भया !’
यस्तै, बरिष्ठ साहित्यकार खगेन्द्र संग्रौलाले एमालेको प्रथम विधान महाधिवेशनमाथि टिप्पणी गरेका छन् । उनले पनि एमाले अध्यक्ष ओलीको तडक भडकलाई ‘निभ्न लागेको बत्ति’को संज्ञा दिँदै ‘कम्युनिष्टका नामको कलंक’ भनेका छन् ।
संग्रौलाले केपी ओलीमाथि कटाक्ष गर्दै भनेका छन्, ‘बालकोट–गोदावरी बाटाभरि ओलीका फोटैफोटा । लामबद्ध भक्तद्वारा ओलीको गोदावरी सवारी चलान । मञ्चमा न मार्क्स, न पुष्पलाल । मञ्चमा केवल ओली, बोतलमा ओली ।’ उनले अगाडि भनेका छन्, ‘६ हजारको भीडमा एक राजा, अरू प्रजा; एक देवता, अरू दास । एक प्रभु ओलीको देवत्वकरणमा ६ हजार भक्तको दासत्वकरण । हैट, कम्निस्ट नामको यो कलंक !’
खड्गप्रसादको कुम्भमेला निभ्ने बेलाको बत्ती हो। लूटको धन फुपूको श्राद्ध गरेर सोझा जनतालाई केही समय भ्रममा पार्न सकिएला तर अन्तमा देशले ठुलो मूल्य चुकाउनुपर्नेछ।नक्कली राष्ट्रवाद,नृजातीय अहंकारवाद,पपुलिज्म र व्यक्तिपूजाको ककटेलले अन्त: स्टालिन,हिटलर र फासीवाद जन्माउने हो।चेतना भया! pic.twitter.com/B8SzzMuaIK
— Baburam Bhattarai (@brb1954) October 2, 2021
बालकाेट-गाेदावरी बाटाभरि ओलीका फाेटैफाेटा।लामबध्द भक्तद्वारा ओलीकाे गाेदावरी सवारी चलान।मञ्चमा न मार्क्स न पुष्पलाल।मञ्चमा केवल ओली,बाेतलमा ओली।६ हजारकाे भीडमा एक राजा,अरू प्रजा;एक देवता,अरू दास।एक प्रभु ओलीकाे देवत्वकरणमा ६ हजार भक्तकाे दासत्वकरण।हैट्,कम्निस्ट नामकाे याे कलङ्क!
— Khagendra Sangroula (@belakoboli) October 2, 2021
