विश्वकप छनोटः जर्मनीको पुनरागमन जित « Drishti News – Nepalese News Portal
Logo

विश्वकप छनोटः जर्मनीको पुनरागमन जित


दृष्टि संवाददाता


काठमाडौं । जर्मनीले विश्वकपको युरोपियन छनोट अन्तर्गत शुक्रबार राति भएको खेलमा रोमानियामाथि पुनरागमन जित हात पारेको छ । समूह ‘जे’ को खेलमा एक गोलले पछि परेको स्थिति उल्टाएर जर्मनीले रोमानियालाई २-१ ले पराजित गरेको छ ।

खेलको नवौँ मिनेटमै इयानिस हागीले गोल गर्दै रोमानियालाई अग्रता दिलाएका थिए । ५२औं मिनेटमा सर्जी जीनाब्रीले जर्मनीका लागि बराबरी गोल फर्काए । ८१औं मिनेटमा थोमस मुलरले जर्मनीका लागि विजयी गोल गरे ।

जितपछि सात खेलबाट १८ अंक जोडेको जर्मनी समूह जे को शीर्ष स्थानमा छ । समान खेलबाट १० अंकसहित रोमानिया चौथो स्थानमा छ । यसै समूहको अर्को खेलमा नर्थ मेसेडोनियाले लिचेस्टाइनलाई ४(० ले पराजित गरेको छ । आइसल्याण्ड र अर्मेनियाले १-१ को बराबरी खेलेका छन् । नर्थ मेसेडोनिया १२ अंक जोड्दै दोस्रो स्थानमा उक्लेको छ ।

यस्तै समूह ‘जी ‘को खेलमा नेदरल्याण्ड्सले लात्भियालाई १-० ले पराजित गरेको छ । नेदरल्याण्ड्सका लागि डेभी क्लासेनले एक मात्र गोल गरे । जितपछि सात खेलबाट १६ अंकसहित नेदरल्याण्ड्स समूह जी को शीर्ष स्थानमा छ । अर्को खेलमा नर्वे र टर्कीले १-१ को बराबरी खेलेका छन् । नर्वे १४ अंकसहित दोस्रो र १२ अंक रहेको टर्की तेस्रो स्थानमा छ ।

यसैगरी समूह एचको खेलमा क्रोएसियाले साइप्रसलाई ३-० ले पराजित गर्दा स्लोभेनियाले माल्टालाई ४(० र रुसले स्लोभाकियालाई १(० ले पराजित गरेको छ ।

प्रतिक्रिया दिनुहोस्