चौथो बेलबारी गोल्डकप : हिमालय शेर्पा सेमिफाइनलमा प्रवेश « Drishti News – Nepalese News Portal
Logo

चौथो बेलबारी गोल्डकप : हिमालय शेर्पा सेमिफाइनलमा प्रवेश


दृष्टि संवाददाता


मोरङ। जिल्लामा जारी चौथो अन्तर्राष्ट्रिय आमन्त्रण बेलबारी गोल्डकपमा हिमालय शेर्पा क्लब काठमाडौं सेमिफाइनलमा प्रवेश गरेको छ।

शनिबार भएको खेलमा गाईघाट फुटवल क्लव उदयपुरलाई शून्यको विरुद्ध ३ गोल गर्दै शेर्पा विजय बन्यो । १९ मिनेटमा मनिष थापाले ३५ याड टाढाबाट जीवन गुरुङको पासमा गोल गर्दै टिमलाई अग्रता दिलाए।

दोस्रो हापको ५५ मिनेटमा सेबी गुरूङ, ७१ मिनेट विश्वास श्रेष्टले गर्दै प्रतिस्पर्धीलाई ३ गोलीले पछि पार्यो।

गाईघाटका एलेक्स एन्डरलक्कीले शेर्पाका त्रिदेव गुरुङलाई फल गरेपछि पाएको फ्रिकिकमार्फत विश्वास श्रेष्टले गोल गरेका हुन् ।

खेलको म्यान अफ दि म्याच शेर्पाका विशन गुरुङ घोषित भए । उनले नगद ५,५०० र ट्रफि प्राप्त गरे । अब शेर्पाले कात्तिक १५ गते हुने सेमिफाइनल खेलमा रोलिङ क्लब झापाको सामना गर्नेछ ।

प्रतियोगिताको विजेता टीमले ५ लाख र उपविजेता टीमले २ लाख ५० हजार रूपैयाँ नगद पुरस्कार पाउने छन् । कात्तिक १४ गते रारा फुटवल क्लब राजारानी र डाँगीहाट फुटबल क्लब बेलबारीबीच हुनेछ ।

प्रतिक्रिया दिनुहोस्