सानैदेखि कलाकारकार बन्ने रुचि राखेकी सिमरन खड्काले अहिले यही क्षेत्रमा नै आफ्नो भविष्य खोजिरहेकी छिन् । उनी चलचित्र क्षेत्रमा नै आफूलाई स्थापित गर्न लागिपरेकी छिन् । ‘प्रेमगन्ज’ ‘चित्रा बेहुली फ्रम मेघौली’ जस्ता चलचित्रमा सहकलाकारको रुपमा अभिनय गरेकी सिमरनको मुख्य भूमिका रहेको चलचित्र ‘गौथली’ अहिले प्रदर्शन भइरहेको छ । यो सिनेमाबाट चर्चा कमाएकी उनले दर्जनौं म्युजिक भिडियो र विज्ञापनमा समेत काम गरिसकेकी छिन् । उनै कलाकार सिमरन खड्कासँग रेजिना पाण्डेको जम्काभेटः
चलचित्र ‘गौथली’बाट कस्तो प्रतिक्रिया पाइरहनुभएको छ ?
राम्रो, जतिले चलचित्र गौथली हेर्नुभयो सबैले राम्रो प्रतिक्रिया दिनुभएको छ । कथा, विषयवस्तुका साथै कलाकारकारहरूको अभिनय मन पनपराईदिनुभएको छ । दर्शकले सबै कलाकारहरुको कामको प्रशंसा पनि गर्नुभएको छ ।
चलचित्र सोचे भन्दा बढी चलिरहको छ त ?
धैरै नै राम्रोसँग चलिरहेको छ । त्यसैको फल पनि राम्रो पाइरहेका छौँ । हाम्रो टिमले दशर्कबाट गौथलीलाई मन पराउने अपेक्षा गरेको थियो । त्यसका लागि मैले सबै दर्शकलाई धन्यवाद पनि दिन चाहान्छु ।
धैरै दशर्कहरू चलचित्र हेरेर रुनुभयो किन होला ?
सायद, चलचित्रको ‘इमोसनल पार्ट’ले होला । चलचित्र सबैको मन छुने खालको छ । जो कोहीलाई पनि चलचित्र हेरेपछि त्यसको कथावस्तुले छुन्छ । त्यसै कारणले पनि होला दर्शककको आँखाबाटा आँशु आएको ।
तपाईँको चलचित्र यति चल्छ भन्ने अपेक्षा थियो ?
काम गरेपछि सफलता पाईन्छ भन्ोर नै सबैल गर्ने हो । मैले पनि मेरो कामले हाम्रो चलचित्र राम्रो होस् भन्ने सोचेकी थिएँ । हाम्रो काम सबैले मन पराउन् भन्ने चाहना थियौ । सायद, त्यही भएर पनि सबै दर्शकले मन पनि पराउनुभयो । अहिले खुशी छौं ।
वास्तवमा गौथली चलचित्र दशर्कले हेर्नैपर्ने कारण के हो ?
पहिलो त चलचित्र हेर्ने भनेकै मनोरञ्जनका लागि नै हो । त्यसबाहेक सामाजिक कथा र नयाँ कन्सेप्टमा यो चलचित्र बनेको छ । यसले नयाँ कुरा सामाजिक कथावस्तु दिन खोजेको छ । ‘अटिजम’ भएका बिरामीको बारेमा पहिलो पटक बनेको सिनेमा भएकाले पनि दर्शकले हेर्नैपर्ने खालको छ ।
‘गौथली’ चलचित्रको मुख्य भूमिकामा काम गर्न पाउँदा कस्तो अनुभूति भइरहेको छ ?
मेरो लागि निकै चुनौतीपूर्ण रह्यो । त्यसमथि पनि डा. भोला रिजाल, कपिल रिजालसँग काम गर्न पाउनु सानो कुरा होइन । ‘गौथली’ जस्तो सिनेमामा मुख्य भूमिका निभाउन पाउनु मेरा लागि ठूलो अवसरसँगै खुशीको क्षण पनि थियो ।
‘गौथली’ चलचित्रका पात्रलाई रियल लाईफमा हेर्दा कस्तो मान्नुहुन्छ ?
दुवै, गौथलीलाई पे्ररणा दिने भित्री हृदयबाट माया गर्ने श्रीमान छ भने रहरलाई रोक्नुपर्ने बाध्यता प्नि छन् । आज पनि यस्ता कथाहरू घरघरमा देख्न सक्छौं ।
तपाईँलाई चलचित्रप्रतिको मोह चाहिँ कसरी जाग्यो ?
मलाई सानैदेखि नै सिनेमामा हिरोइन बन्ने रहर थियो । कसरी यो रहर जाग्यो भन्ने चाहि थाहै भएन । सिनेमामा अभिनय गर्ने मोहले मैले कान्तिपुर एकेडेमी मा ट्रेनिङ पनि लिएकी हुँ । त्यसले पनि मलाई अभिनयमा फाइदा भयो ।
अब अरु के के प्रोजेक्टमा काम गर्दै हुनुहुन्छ ?
‘मास्टर्नी’ भन्ने सिनेमा आउँदै छ ।
रोमान्टिक चलचित्रमा अफर आयो भने कोसँग स्क्रिन शेयर गर्ने सोचमा हुनुहुन्छ ?
अनमोल केसी अरुण क्षेत्री मलाई मनपर्ने भएकोले उहाँहरूसँगै काम गर्न चाहन्छु ।
रिलेसनसिपमा हुनुहुन्छ ?
छैन, अहिले त काममा नै ‘फोकस’ गरिरहको छु । काम बाहेक अरु सोचेको पनि छैन । प्रेम प्रस्ताव राख्नेहरूको लाइन छ तर मैले यतिखेर आफनो कामलाई नै पहिलो प्राथमिकतामा राखेको छु ।
तपाईँले आफ्नो जीवनसाथी कस्तो होस् भन्ने चाहनुहुन्छ ?
सबै भन्दा पहिला त माया र साथ दिने होस् । म र मेरो कामलाई बुझिदिने होस् । साधारण तरिकाले जीवन चलोस् तर हेर्नेलाई डाह लागोस्, त्यही नै हो ।
फिल्म क्षेत्रमा तपाईँले भनेजस्तै जोडी देख्नुभएको छ ?
धैरै जोडीहरू छन् । स्वस्तिमा खड्का र निश्चल बस्नेत, प्रियंका कार्की र आयुशमान जोशीको जोडी देख्दा राम्रो लाग्छ ।
तपाईँको चलचित्र क्षेत्रबाहेक अरु के–के रुचि छ ?
साँच्चै भन्ने हो भने मैले अभिनय बाहेक अरु केही सोचेकै छैन । मलाई जसरी भए पनि कलाकार नै बन्नु थियो । पर्दामा नै आएर काम गर्नु थियो । त्यसबाहेक अन्यत्र मेरो रुचि छैन ।
संसारमा सबैभन्दा बढी माया कसलाई गर्नुहुन्छ ?
पहिला आफैँलाई अनि सिनेमालाई ।
