काठमाडौं । प्रधानसेनापति प्रभुराम शर्माले सैनिक श्रीमती संघको वार्षिक मुखपत्र ‘सेवा सुमन’ लोकार्पण गरेका छन् ।
सैनिक मुख्यालय जङ्गी अड्डा परिसरमा भएको संघ स्थापनाको ३८औँ वार्षिकोत्सव समारोहमा महारथी शर्मा र संघकी अध्यक्ष सुनिता शर्माले वार्षिक मुखपत्रको पछिल्लो अङ्क विमोचन गरे ।
संघको वार्षिकोत्सव झण्डोत्तोलनलगायत विविध कार्यक्रम गरी मनाइएको सैनिक जनसम्पर्क तथा सूचना निर्देशनालयले जनाएको छ ।
श्रीमती संघले नेपाली सेनाका बहालवाला तथा भूपू सैनिकका आश्रित परिवाललाई लक्षित गर्र्दै विभिन्न आयमूलक र सेवामूलक सामाजिक कार्यक्रम गर्दै आएको छ ।
