काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आठौं महाधिवेशनको जारी बन्दसत्रमा २३६ सदस्यीय केन्द्रीय समिति घोषणा गरेका छन् ।
प्रज्ञा भवन कमलादीमा जारी बन्दसत्रमा अध्यक्ष प्रचण्डले सहमतिको प्रस्तावको रुपमा केन्द्रीय समिति घोषणा गरेका हुन् । यसअघि बसेको स्थायी समिति बैठकले २२९ जना केन्द्रीय सदस्यको नामावली टुंगो लगाएको थियो ।
माओवादीको विधानअनुसार केन्द्रीय समिति २९९ सदस्यीय हुनुपर्ने हो । तर, बाँकी ७० जना केन्द्रीय सदस्यको नाम भने अध्यक्ष प्रचण्डले घोषणा गरेनन् । समानुपातिकतर्फको क्लटरहरुमा विवाद रहेकाले बाँकी सदस्यको नाम घोषणा नगरिएको एक नेताले बताए ।
माओवादीको विधानअनुसार महाधिवेशनले केन्द्रीय समिति मात्र निर्वाचित गर्नेछ । त्यसपछि बस्ने बैठकले पदाधिकारी चयन गर्ने छ ।
निर्वाचित केन्द्रीय सदस्यहरुको पूरा नामावली हेर्न यहाँ क्लिक गर्नुहोस ।
