कुहिएको अवस्थामा भेटियो शव

जलेश्वर । महोत्तरीको सातपत्रे जंगलमा कुहिएको अवस्थामा बुधवार एक व्यक्तिको शव भेटिएको छ ।

जिल्ला प्रहरी कार्यालयका प्रहरी नायब उपरीक्षक प्रकाश विष्टका अनुसार बर्दिबास नगरपालिका–३ स्थित विपी राजमार्गभन्दा ५ सय मिटर उत्तर–पश्चिममा पर्ने सातपत्रे भिरालो जंगलमा एक व्यक्तिको शव कुहिएर दुर्गन्धित भएको अवस्थामा भेटिएको हो । नाम, थर, वतन नखुलेका अन्दाजी वर्ष ५०/५५ का पुरुषको शव कुहिएर जंगलभरि दुर्गन्धित भएको अवस्थामा घाँस काट्न गएका स्थानीयले देखेपछि प्रहरीलाई खबर गरेका थिए ।