काठमाडौं । स्थानीय तह निर्वाचनमा नेकपा एकीकृत समाजवादीले एक महानगरपालिका र एक उपमहानगरपालिको मेयरमा उम्मेरदवारी दिने भएको छ ।
बुधबार प्रधानमन्त्री निवास बालुवाटारमा बसेको सत्ता गठबन्धनको बैठकले महानगर र उपमहानगरको सिट बाँडफाँड टुंगो लगाएको हो । जसअनुसार एकीकृत समाजवादीले पोखरा महानगर र हटौँडा उपमहानगरको मेयरमा साझा उम्मेदवारी दिने समहमति भएको हो ।
त्यस्तै एकीकृत समाजवादीले एक महानगर र तीन उपमहानगर गरी चार उपमेयरको उम्मेरदवारी दिनेछ । उसले काठमाडौं महानगरको उपमेयरमा उम्मेरदवारी दिने छ भने इटाहरी, बुटवल र तुलसिपुर उपमहानगरको उपमेयरमा उम्मेरदवारी दिने सहमति भएको छ ।
