एमालेका प्रतिनिधिले होहल्ला गरेपछि भरतपुरको मतगणना प्रभावित

चितवन । भरतपुर महानगरपालिकाको मतगणना रोकिएको छ । कर्मचारीले मतगणनाका क्रममा धाँधली गर्न खोजेको भन्दै नेकपा एमालेका प्रतिनिधिले आरोप लगाएपछि मतगणना रोकिएको हो ।

मत पत्रमा उम्मेदवारको चिह्नमा लगाइएको स्वस्तिक छापमा कर्मचारीले गडबड गर्न खोजेको आरोप लगाउँदै एमालेका प्रतिनिधिले होहल्ला गरेका पछि गणना प्रभावित बनेको हो ।

एमालेका प्रतिनिधिका अनुसार एक नम्बरको मतगणना स्थलमा एकै पदका उम्मेदवारको चुनाव चिह्न सूर्य र हलोमा छाप लगाउँदा मत बदर गरिएको तर ७ नम्बरको गणनास्थलमा सोही प्रकृतिको मतपत्र बदर नगरिएपछि तनावको अवस्था सिर्जना गरिएको हो ।