काठमाडौं । कृषिमन्त्री महिन्द्र राय यादवले यसैपालिबाट किसान पेन्सन सुरु गर्ने प्रयास हुने बताएका छन् ।
सांसदले प्रतिनिधिसभामा उठाएका प्रश्नको जवाफ दिँदै उनले भने, ‘किसानले जति पनि उत्पादन हुन्छ त्यसको केही पेन्सनका लागि राख्नुपर्ने हुन्छ । सरकारले १० प्रतिशत राख्छ ।’
किसान पेन्सनका लागि सरकारले कार्यविधि बनाउने उनले बताए । सबै किसानको परिचय पत्र बनाउने, त्यसपछि कस्ता किसानलाई पेन्सन दिने भनेर वर्गीकरण गरेर पेन्सन दिन सुरुवात गरिने उनले बताए ।
‘यसैपालिबाट किसानलाई पेन्सन दिने कुरा बजेटमा गरिएको छ । यसका लागि कार्यविधि बनाउनुपर्नेछ । २०७९÷८० को बजेटमा अर्थमन्त्री जनार्दन शर्माले किसानलाई पेन्सन दिने कार्यक्रम ल्याएका थिए ।
कोष स्थापना गर्न विउ पूँजीका रुपमा १ अर्ब छुट्याइएको छ ।
