विराटनगर । लिम्बुवान-किरात प्रदेश घोषणा गर्न माग गर्दै विराटनगरमा प्रदर्शन भएको छ । विभिन्न पहिचानवादी संगठनहरुले प्रदेश १ को नाम लिम्बुवान-किरात हुनुपर्ने माग गर्दै प्रदर्शन गरेका हुन् ।
प्रदर्शनमा पहिचानवादी विभिन्न ३० संगठनका नेता कार्यकर्ताहरूको सहभागिता रहेको थियो । विभिन्न जिल्लाबाट विराटनगर आएका उनीहरुले मुख्यमन्त्री कार्यालय अगाडि प्रदर्शन गरेका थिए ।
प्रदर्शनकारीले पहिचानविनाको प्रदेश नमान्ने चेतावनी दिएका छन् । उनीहरुले पहिचानको आधारमा प्रदेश १ को नाम हुनुपर्नेमा माग गर्दै नाराबाजी गरका थिए ।
