काठमाडौं । सत्ता गठबन्धनको बैठक शुक्रबार बिहान बस्दै छ ।
प्रधानमन्त्री शेरबहादुर देउवा निवास बालुवाटारमा बस्ने बैठकमा चुनावी रणनीति र तालमेलका विषयमा छलफल हुनेछ ।
बैठकमा मंसिर ४ को चुनावमा गठबन्धन दलहरुबीच हुने भागबण्डाका विषयमा छलफल सुरु हुने काँग्रेस नेता रामचन्द्र पौडेलले बताए । त्यसका लागि कार्यदल बनाएर जान सकिने उनको भनाइ छ ।
सरकारले बिहीबार मंसिर ४ का लागि चुनावको मिति घोषणा गरेलगत्तै गठबन्धन छलफलमा जुटेको हो ।
