काठमाडौं । जसपाको मधेस प्रदेशको संसदीय दलको नेतामा पूर्वसभामुख सरोज यादव चयन भएका छन् ।
मधेस प्रदेशको पहिलो कार्यलयमा प्रदेश सभाको सभामुख रहेका यादव सोमबार प्रदेशका निवर्तमान मुख्यमन्त्री लालबाबु राउतको समर्थनमा सर्वसम्मत दलको नेता चयन भएका हुन् ।
यसअघि राउतले अडान नछाडेपछि सोमबार निर्वाचनको प्रकिया अघि बढाइएको थियो । यादव र राउत दुवैले दलको नेताका लागि उम्मेदवारी दिएका थिए । तर, पछि राउतले यादवलाई समर्थन गरेपछि उनी दलको नेता चयन भएका हुन् ।
२०७४ को निर्वाचनमा यादव तत्कालीन राजपाबाट निर्वाचित हुँदै मधेस प्रदेशका सभामुख चयन भएका थिए ।
