काठमाडौं । प्रधानमन्त्री पुष्पकमल दाहाल ‘प्रचण्ड’सँग संयुक्त अरब इमिरेट्स (यूएई) र कतारका राजदूतले आज छुट्टा-छुट्टै शिष्टाचार भेटवार्ता गरेका छन् ।
प्रधानमन्त्री दाहाल र यूएईका राजदूत अब्दुल्ला सइद मुवारक जरवान अल्सामीबीच द्विपक्षीय हित र चासोका विषयमा छलफल भएको प्रधानमन्त्रीको सचिवालयले जनाएको छ ।
यस्तै, प्रधानमन्त्री दाहाल र कतारी राजदूत युसुफ बीन मोहम्मद अल हेलबीच पनि दुई देशको सम्बन्ध, आपसी हित र चासोका विषयमा कुराकानी भएको थियो ।
यूएई र कतारका राजदूतले नेपालको प्रधानमन्त्रीमा नियुक्त हुन भएका प्रधानमन्त्री दाहाललाई बधाई दिँदै सफल कार्यकालको कामना गरेका थिए ।
