काठमाडौं । नेकपा एमालेले बझाङ १ को प्रदेशसभामा दमनबहादुर भण्डारीलाई उम्मेदवार बनाउने निर्णय गरेको छ । आउने वैशाख १५ गते हुने प्रदेशसभा निर्वाचनमा एमालेले भण्डारीलाई उम्मेदवार बनाउने निर्णय गरेको हो ।
आइतबार बसेको पार्टीको सचिवालय बैठकले एमालेका बझाङ जिल्ला अध्यक्ष दमनबहादुर भण्डारीलाई उम्मेदवार चयन गरेको पार्टी उपमहासचिव प्रदीप ज्ञवालीले जानकारी दिए ।
बझाङ १ बाट सुदूरपश्चिम प्रदेशसभामा निर्वाचित नेपाली कांग्रेसका नेता पृथ्वीबहादुर सिंहको गत ५ असारमा निधन भएपछि त्यहाँ उपनिर्वाचन हुन लागेको हो ।
