काठमाडौं । नेपाली कांग्रेसका महामन्त्री गगन थापाले ‘संवाद यात्रा’ पुनः सुरु गर्ने भएका छन् । माघ २३ मा स्थगित भएको संवाद यात्रा थापाले बिहीबारबाट पुनः सुरु गर्न लागेका हुन् ।
१३ माघबाट झापाबाट सुरु भएको संवाद यात्रा कांग्रेस केन्द्रीय सदस्य केशवकुमार बुढाथोकीको निधन पछि स्थगित गरिएको थियो । स्थगित हुनु अघि महामन्त्री थापाले १३ जिल्लामा संवाद यात्रा गरेका थिए । अब उनले चैत १५ गतेदेखि हुलाकी राजमार्गले छोएका जिल्लामा संवाद गर्नेछन् ।
१५ चैतबाट हुने अभियान रोकिएकै स्थानबाट सुरु हुने महामन्त्री थापा निकट नेविसंघका पूर्व महामन्त्री युवराज पाण्डेले जानकारी दिए । जसमा नवलपरासी, रुपन्देही, कपिलवस्तु, दाङ र बाँकेमा संवाद यात्रा गरिने छ ।
