काठमाडौं । राष्ट्रिय सभाउपाध्यक्ष उर्मिला अर्यालले राजीनामा दिएका छन् । उनले बिहीबार राष्ट्रियसभा अध्यक्ष नारायण दाहाललाई राजीनामा पत्र बुझाएका हुन् ।
सत्ता गठबन्धनमा राष्ट्रिय सभा अध्यक्ष माओवादी केन्द्रले लिने सहमति भएको थियो । सो सहमति अनुसार नारायण दाहाल राष्ट्रियसभा अध्यक्ष भएका थिए । अब राष्ट्रियसभा उपाध्यक्ष पद सत्ता गठबन्धनकै अर्को कुनै दललाई दिइने छ ।
यसअघि सत्ता गठबन्धनका नेकपा एमाले, माओवादी केन्द्र र राष्ट्रिय स्वतन्त्र पार्टी (रास्वपा)बीच भएको लिखित सहमतिमा राष्ट्रिय सभा उपाध्यक्ष पद एमालेले लिने उल्लेख थियो ।
तर पछि गठबन्धनमा एकीकृत समाजवादी पनि सामेल भएपछि गरिएको नयाँ लिखित सहमति पत्रमा राष्ट्रिय सभा उपाध्यक्ष पदबारे केही कुरा उल्लेख गरिएको थिएन ।
