काठमाडौं । प्रस्तावित महालेखापरीक्षक तोयम रायाको संसदीय सुनुवाइ प्रक्रिया अघि बढेको छ ।
संघीय संसदको संसदीय सुनुवाइ समितिले रायासँग सम्बन्धित कुनै गुनासो वा उजुरी भएमा समितिमा बुझाउन सर्वसाधारणलाई सूचना जारी गर्ने निर्णय गरेको हो ।
सङ्घीय संसदका महासचिव पद्मप्रसाद पाण्डेयले रायासँग सम्बन्धित कुनै गुनासो वा उजुरी भएमा १० दिनभित्र समितिमा बुझाउन सूचना जारी गर्ने निर्णय भएको जानकारी दिए ।
संवैधानिक परिषद्को आइतबारको बैठकले राष्ट्रिय तथ्याङ्क कार्यालयका प्रमुख तथ्याङ्क अधिकारी रायालाई उक्त पदमा नियुक्तिका लागि सिफारिस गर्ने निर्णय गरेको थियो ।
