काठमाडौँ । कोस्टारिकामाथि सहज जित निकाल्दै कोलम्बिया कोपा अमेरिकाको नकआउट चरणमा प्रवेश गरेको छ । शनिबार भएको खेलमा टोली ३–० गोलले विजयी बनेको हो ।
पहिलो हाफको ३१ औँ मिनेटमा लिभरपुलका लुइस डियाजले पेनाल्टीबाट गोल गर्दै टोलीलाई अग्रता दिलाएका थिए ।
दोस्रो हाफको ५९ औँ मिनेटमा डेभिनसन सान्चेजले टोलीको कोलम्बियाको अग्रता दोब्बर बनाए । ३ मिनेटपछि जोन कोरडोबाले अर्को गोल थप्दै टोलीको जित सुनिश्चित गरे ।
समूह डीमा रहेको टोलीको लगातार दोस्रो जित हो । टोली ६ अङ्कसहित शीर्ष स्थानमा छ । अन्तिम खेलमा ब्राजिललाई हराए वा बराबरीमा रोके टोली समूह विजेता पनि बन्नेछ ।
