काठमाडौं । ललितपुर महानगरपालिका–२८ स्थित हरिसिद्धीमा रहेको क्यान्सर अस्पतालको तेस्रो तलाबाट हामफालेकी महिलाको मृत्यु भएको छ ।
काठमाडौं महानगरपालिका वडा नम्बर ८ की ६४ वर्षीया पुनमाया तामाङ शनिबार अस्पतालको ए ब्लकको तेस्रो तलाबाट हामफाल्दा गम्भीर घाइते भएकी थिइन् । उनको उपचारको क्रममा आइतबार मृत्यु भएको प्रहरीले जनाएको छ ।
उनलाई उक्त क्यान्सर अस्पतालकै आइसियुमा राखेर उपचार गराइरहेकामा आज बिहान मृत्यु भएको चिकित्सकलाई उद्धृत गर्दै जिल्ला प्रहरी परिसर ललितपुरका एसपी नरेशराज सुवेदीले जानकारी दिए ।
