काठमाडौं । नेपाली कांग्रेसको पदाधिकारी तथा पूर्वपदाधिकारीको बैठक जारी छ । सभापति शेरबहादुर देउवा निवास बूढानीलकण्ठमा केहीबेरअघिदेखि बैठक बसिरहेको हो ।
बैठकले उपसभामुख इन्दिरा रानाबारे निर्णय गर्नेछ । यसअघि सोमबार साँझ बालुवाटारमा बसेको सत्तारुढ दलको बैठकमा प्रधानमन्त्री केपी शर्मा ओलीले उपसभामुख रानालाई पदबाट हटाउने प्रस्ताव गरेका थिए । उक्त बैठकमा नबोलेका देउवाले उपसभाुमखबारे पार्टीको आधिकारीक धारणा बनाउन बैठक राखेका हुन् ।
साथै पार्टी उपसभापति धनराज गुरूङमाथि सहकारी संस्थाको रकम अपचलन गरेको सम्बन्धमा उठेका प्रश्नबारे बैठकले समान धारणा बनाउने तयारी गरेको छ ।
